Mkurugenzi wa Idara ya
Sera na Mipango Ofisi ya Waziri Mkuu Bw. Packshard Mkongwa akipokea zawadi
kutoka kwa Bi. Dorothy Mwaluko,Katibu Mkuu Ofisi ya Waziri Mkuu, Wakati wa
sherehe fupi ya kuagwa rasmi na Uongozi wa Ofisi ya
Waziri Mkuu, Bwana Mkongwa amestaafu rasmi Utumishi wa umma kuanzia tarehe
30.09.2020.
Katibu Mkuu Ofisi ya Waziri Mkuu Bi. Dorothy Mwaluko akutana na kufanya mazungumzo na wawakilishi wakazi
wa mashirika ya Umoja wa Mataifa(UN) Ofisini kwake jijini Dodoma.
Viongozi aliokutana nao
ni Bw. Zlatan Milisre muwakilishi Mkazi
wa Umoja wa Mataifa(UN) aliyeambatana na
wawakilishi wa mashirika mengine ndani ya Umoja wa Mataifa.
Ambao ni muwakilishi Mkazi wa Shirika la Maendeleo la Umoja wa
Mataifa(UNDP) Bi. Christine Musisi, mwakilishi mkazi wa Shirika la Umoja wa Mataifa linalo
hudumia watoto(UNICEF) Bi. Shalia Batiguna
na muwakilishi mkazi wa Shirika la Umoja wa Mataifa linalohudumia wahamiaji(IOM)
Bw. Qasim Sufi.
Wawakilishi hao wamashirika ya Umoja wa Mataifa wametoa misaada
ya vifaa mbalimbali kwa Idara ya Uratibu wa Maafa ikiwemo vifaa vya teknolojia ya
Habari na Mawasiliano ili viweze kusaidia kituo cha kujiandaa kukabiliana na Majanga
yanayotokana na Maafa hapa Nchini.
Aidha,Katibu Mkuu Bi. Dorothy
Mwaluko ameshukuru kwa Shirika la Umoja wa Mataifa kupitia Mashirika yake kwa
kusaidia nyezo muhimu kwa Serikali ili mwananchi aweze kufikiwa na huduma kwa wakati
pindi maafa yanapotokea.
Naye muwakilishi mkazi wa Shirika la Umoja wa Mataifa Bw. Zlatan Milisre kwa niaba ya wawakilishi
wenzake amesema Umoja wa Mataifa utaendelea kuwezesha Serikali hasa Idara ya Uratibu
wa Maafa kupitia Ofisi ya Waziri Mkuu katika na yajazoite za vifaa na elimu kwa
wataalamu iliwawezre kuhudyumia wananchi kikamilifu.
Katibu mkuu Bi. Dorothy Mwaluko akimsikiliza muwakilishi
Mkaazi washirika la umoja wa mataifa Bw.
Zlatan Milisre(kulia) alipokuwa akitowa maelezo ya misaada iliyotolewa na
(UN) kiushoto ni muwakilishi mkazi wa (UNDP) Christine Musisi.
Na. OWM, DAR ES SALAAM.
Ofisi ya Waziri Mkuu kupitia Idara ya Maendeleo ya Uwekezaji imekutana na wadau wa uwekezaji wa sekta Binafsi kwa lengo la kuijadili rasimu ya taarifa ya Tathmini ya Utekelezaji wa Sera ya Taifa ya Uwekezaji ya Mwaka 1996. Wadau hao kupitia Taasisi ya Sekta Binafsi Tanzania (TPSF), Baada ya kupokea rasimu ya taarifa hiyo,wameridhishwa kwa jinsi serikali imekuwa ikiishirikisha sekta binafsi katika masuala ya uwekezaji nchini.
Akiongea wakati wa kufungua mkutano huo kwa niaba ya Katibu
Mkuu Ofisi ya Waziri Mkuu (Sera,Uratibu na Uwekezaji) Dorothy Mwaluko, Mkurugenzi Idara ya Mipango na Bajeti Ofisi ya
Waziri Mkuu, Packshard Mkongwa amewahakikishia wadau wa Sekta Binafsi kuwa Serikali
itaendelea kushirikiana nao katika kukuza uwekezaji na biashara nchini.
“Serikali imekuwa ikitekeleza sera za mageuzi ya uchumi
kuanzia miaka ya 1980 kwa lengo la kuimarisha na kuiwezesha sekta binafsi kuwa
mhimili wa ukuaji wa uchumi. Ili kutimiza azma hii, Serikali imekuwa
ikitunga Sera na Sheria kwa lengo la kuweka mazingira wezeshi ya kukuza
uwekezaji na biashara nchini. Kwa mantiki hii tunakutana na nyie sekta binafsi ili muweze kutoa maoni yenu kuhusu rasimu
ya taarifa ya tathmini ya utekelezaji wa Sera ya Taifa ya Uwekezaji ya mwaka
1996”
Amesisitiza Mkongwa.
Ameongeza kuwa ili kuiwezesha Sekta Binafsi kuwa yenye nguvu na
ushindani nchini amewataka wadau hao kuendelea kushirikiana na serikali katika
kuboresha mazingira ya uwekezaji na biashara kwenye nyanja za Uratibu
wa Masuala ya Uwekezaji, Utangazaji wa Fursa za Uwekezaji na Uwezeshaji
Uwekezaji. Moja ya mafanikio yaliyopatikana katika utekelezaji wa Sera hiyo ni pamoja na Tanzania kufikia lengo la kuwa na
Uchumi wa kipato cha Kati, Ukuaji wa Uchumi usioteteleka na kudhibiti mfumuko
wa bei.
Kwa
upande wake, Kaimu Mkurugenzi Mtendaji wa Taasisi ya
Sekta Binafsi Tanzania (TPSF), Zachy Mbenna akielezea
maoni ya wadau na amefafanua kuwa mkutano huo wa kuijadili rasimu ya taarifa ya Tathmini ya Utekelezaji wa Sera ya
Taifa ya Uwekezaji ya Mwaka 1996 ni muendelezo wa juhudi za serikali katika kuweka mazingira bora
na wezeshi ya biashara na uwekezaji nchini.
“Sisi wadau wa sekta Binafsi
tungependa Sera ya Taifa ya Uwekezaji iwe kwenye mtazamo wa Kuhamasisha
uwekezaji, kwa maneno, utekelezaji wake pamoja na sheria zinazo husiana na
masuala ya uwekezaji zioneshe zinalenga kuhamasisha uwekezaji wa hapa nchini,
kikanda na kimataifa. Sawa tunatengeneza Sera ya Uwekezaji ya Tanzania lakini
lazima iwe imezingatia masuala yanayohusu uwekezaji ya kikanda na kimataifa”
Ameeleza Mbenna.
Aidha, ameeleza kuwa Sera ya Uwekezaji
haina budi kuangalia namna ya kutoa mwongozo wa kuwafanya wawekezaji wa ndani
na nje wanao wekeza nchini juu ya namna wanaweza kuhimili majanga endapo
yanatokea na kuweza kuathiri shughuli za uwekezaji. Mfano mzuri wa ugonjwa wa
homa ya COVID-19 ulivyo athiri shughuli zao za uwekezaji. Amesisitiza pia kuwa
ni vyema kuwa sera ikazingatia kuwa inawezesha kutumika kuchagiza maendeleo ya ukuaji
wa uchumi nchini.
Mbenna amefafanua kuwa
wangependa sheria za kisekta kwenye masuala ya uwekezaji na Biashara ioneshe namna
zinavyounga mkono sheria mama ya uwekezaji. Pia tusiruhusu jitihada zinazo
kinzana katika kuendeleza uwekezaji bali ziwe na uwiano mzuri, vile vile
amesema katika uwiano huo, Sera za Zanzibar na Tanzania bara hazina budi
kuzingatia hilo. Pia amebainisha kuwa Sera ni vyema itambue makundi yanayoibuka
kama vijana yanaweza kuchukua nafasi katika masula ya uwekezaji.
Sera ya Taifa
ya Uwekezaji imebainisha malengo mahsusi sita (6) na malengo nane (8) ya
kisekta. Baadhi ya malengo hayo ni kuhamasisha uzalishaji wa ndani wa bidhaa
kwa ajili ya mauzo ya nje; Kuvutia uwekezaji kutoka nje ya nchi; Kuhimiza na
kuvutia matumizi ya teknolojia za kisasa katika uwekezaji; Kuweka mfumo mzuri
na wa wazi wa kisheria; na kuondoa urasimu katika taratibu za upatikanaji wa vibali
vya uwekezaji.
Mkutano huo
uliowashirikisha wadau wa sekta binafsi
ni wa pili baada ya ule wa kwanza uliofanyika tarehe 11 Septemba, 2020 jijini
Dodoma ambao ulihusisha wadau wa sekta ya umma kwa maana ya Wizara na Taasisi
za Serikali. Mkutano huo umeratibiwa na Ofisi ya Waziri Mkuu, Idara ya Maendeleo
ya Uwekezaji kwa kushirikiana na Taasisi ya
Sekta Binafsi Tanzania (TPSF).
(MWISHO).
Baadhi ya wadau wa sekta Binafsi wakifuatilia mkutano wa kuijadili rasimu ya taarifa ya Tathmini ya Utekelezaji wa Sera ya Taifa ya Uwekezaji ya Mwaka 1996, leo tarehe 21 Septemba 2020 Dar es Salaam. Mkutano huo umeratibiwa na Ofisi ya Waziri Mkuu, Idara ya maendeleo ya Sekta Binafsi kwa kushirikiana na Taasisi ya Sekta Binafsi Tanzania (TPSF).
Kaimu Mkurugenzi Mtendaji wa Taasisi ya Sekta
Binafsi Tanzania (TPSF), Zachy Mbenna akisisitiza jinsi
serikali inavyowapa ushirikiano wa kutosha kwenye masuala ya uwekezaji na
biashara wakati wa mkutano wa
kuijadili rasimu ya taarifa ya
Tathmini ya Utekelezaji wa Sera ya Taifa ya Uwekezaji ya Mwaka 1996, leo
tarehe 21 Septemba 2020 Dar es Salaam.
Mratibu wa Masuala ya Uwekezaji, Ofisi ya Waziri
Mkuu, Dkt. Jumanne Gomera, akiwasilisha wasilisho la taarifa ya Tathmini ya
sera ya Taifa ya Uwekezaji ya Mwaka 1996, wakati wa Mkutano wa kuijadili
rasimu ya taarifa ya Tathmini ya Utekelezaji wa wa Sera ya Taifa ya Uwekezaji ya mwaka 1996, leo tarehe 21 Septemba 2020 Dar es
Salaam, mkutano huo
umeratibiwa na Ofisi ya Waziri Mkuu, Idara ya maendeleo ya Sekta Binafsi kwa
kushirikiana na Taasisi ya Sekta Binafsi Tanzania (TPSF).
Mshiriki wa mkutano wa kuijadili rasimu ya taarifa ya Tathmini
ya Utekelezaji wa Sera ya Taifa ya Uwekezaji ya Mwaka 1996, akichangia wakati
wa mkutano huo leo tarehe 21 Septemba 2020 Dar es Salaam. Mkutano
huo umeratibiwa na Ofisi ya Waziri Mkuu, Idara ya maendeleo ya Sekta Binafsi
kwa kushirikiana na Taasisi ya Sekta Binafsi Tanzania (TPSF).
Mratibu wa Masuala ya Uwekezaji, Ofisi ya Waziri
Mkuu, Biveline Mushumbusi, akichangia wakati wa mkutano wa kuijadili
rasimu ya taarifa ya Tathmini ya Utekelezaji wa Sera ya Taifa ya Uwekezaji ya mwaka 1996, leo tarehe 21 Septemba 2020 Dar es
Salaam, mkutano huo
umeratibiwa na Ofisi ya Waziri Mkuu, Idara ya maendeleo ya Sekta Binafsi kwa
kushirikiana na Taasisi ya Sekta Binafsi Tanzania (TPSF).
Mkurugezi wa Idara ya Maendeleo ya Uwekezaji, Aristides Mbwasi akieleza umuhimu wa wadau wa Sekta Binafsi kuijadili rasimu ya taarifa ya Tathmini ya
Utekelezaji wa Sera ya Taifa ya Uwekezaji ya mwaka 1996, leo
tarehe 21 Septemba 2020, Dar es Salaam, mkutano huo umeratibiwa na
Ofisi ya Waziri Mkuu, Idara ya maendeleo ya Sekta Binafsi kwa kushirikiana na Taasisi ya Sekta
Binafsi Tanzania (TPSF).
Mkurugenzi
Idara ya Mipango na Bajeti Ofisi ya Waziri Mkuu, Packshard Mkongwa (wa pili
kutoka kushoto), Katibu Mtendaji wa Baraza la
Taifa la Biashara (TNBC) Dkt. Godwill Wanga (wa pili
kutoka kulia), Mkurugezi wa Idara ya Maendeleo ya Uwekezaji, Aristides Mbwasi (wa kwanza kulia) na Mtaalamu wa Utafiti wa masuala ya sheria ya uwekezaji kutoka
Chuo Kikuu cha Dar es salaam, Dkt. Saudin Mwakaje wakifuatilia mkutano wa kuijadili rasimu ya taarifa ya Tathmini
ya Utekelezaji wa Sera ya Taifa ya Uwekezaji ya mwaka 1996, leo tarehe 21 Septemba 2020, Dar es Salaam, mkutano huo umeratibiwa na
Ofisi ya Waziri Mkuu, Idara ya maendeleo ya Sekta Binafsi kwa kushirikiana na Taasisi ya Sekta
Binafsi Tanzania (TPSF).
Mtaalamu wa Utafiti wa masuala ya sheria ya
uwekezaji kutoka Chuo Kikuu cha Dar es salaam, Dkt. Saudin Mwakaje akisisitiza umuhimu wa wadau wa Sekta Binafsi kuijadili rasimu ya taarifa ya Tathmini ya
Utekelezaji wa Sera ya Taifa ya Uwekezaji ya mwaka 1996, leo
tarehe 21 Septemba 2020, Dar es Salaam, mkutano huo umeratibiwa na
Ofisi ya Waziri Mkuu, Idara ya maendeleo ya Sekta Binafsi kwa kushirikiana na Taasisi ya Sekta
Binafsi Tanzania (TPSF).
Katibu Mtendaji wa Baraza la Taifa la Biashara (TNBC) Dkt. Godwill Wanga akifafanua jinsi Baraza hilo
linavyshirikiana na Sekta Binafsi wakati wa mkutano wa kuijadili rasimu ya taarifa
ya Tathmini ya Utekelezaji wa Sera ya Taifa ya Uwekezaji ya mwaka 1996, leo
tarehe 21 Septemba 2020 Dar es Salaam, mkutano
huo umeratibiwa na Ofisi ya Waziri Mkuu, Idara ya maendeleo ya Sekta
Binafsi kwa kushirikiana na Taasisi ya Sekta Binafsi Tanzania (TPSF).
OWM,
DODOMA.
Ofisi
ya Waziri Mkuu kupitia Idara ya Maendeleo ya Uwekezaji imekutana na wadau wa uwekezaji
wa sekta ya Umma kwa lengo la kuidhinisha taarifa ya Tathmini ya Utekelezaji wa
Sera ya Taifa ya Uwekezaji ya Mwaka 1996. Wadau hao ni kutoka Wizara, Idara,
Taasisi na Wakala wa Serikali. Baada ya kupokea taarifa ya Tathmini ya
Utekelezaji wa Sera hiyo,wameridhishwa kwa jinsi ilivyobainisha nchi inavyoweza
kuweka mazingira wezeshi ya biashara na uwekezaji ili kuvutia uwekezaji wa
ndani na nje.
Wakipongeza
wakati wa kujadili taarifa hiyo, leo tarehe 11 Septemba, 2020 jijini Dodoma. Wadau
hao wamesisitiza Tathmini hiyo iliyojikita kwenye masuala ya kisera, kisheria
na kiutendaji inaendelea kutoa mapendekezo ya kuendelea kutatua changamoto za
uwekezaji nchini hususani kwenye maeneo ya Uratibu wa Masuala ya Uwekezaji,
Utangazaji wa Fursa za Uwekezaji, Uwezeshaji Uwekezaji, pamoja na Vivutio vya
kikodi na visivyo vya kikodi.
Akiongea
wakati akifungua kikao kazi hicho, Katibu Mkuu Ofisi ya Waziri Mkuu (Sera,
Uratibu na Uwekezaji), Bibi Dorothy Mwaluko amesisitiza kuwa upo umuhimu wa
wadau hao kubainisha masuala ya kisera, kiutendaji na kisheria, ili kuhakikisha
kuwa Sera ya Taifa ya uwekezaji na Sheria ya Uwekezaji nchini haikinzani na
sheria nyingine za kisekta kwenye masuala ya uwekezaji.
“Serikali
imekuwa ikitunga Sera na Sheria kwa lengo la kuweka mazingira wezeshi ya
uwekezaji na biashara nchini, tunahitaji kuwa na Sera madhubuti za kuvutia na
kuwezesha uwekezaji katika sekta zote ili kutumia vilivyo fursa za uwekezaji
zinazopatikana nchini.”Amesisitiza Mwaluko.
Akiongea
kwenye kikao kazi hicho Mtaalamu wa Utafiti wa masuala ya sheria ya uwekezaji
kutoka Chuo Kikuu cha Dar es salaam, Dkt. Saudin Mwakaje, amefafanua kuwa
kukutana kwa wadau hao kujadili taarifa ya tathmini hiyo kutawezesha kujua
changamoto wanazozipata wakati wa utekelezaji wa sera hiyo na hatimaye utatuzi
wake, utawezesha uwekezaji na kuleta tija kwa mwananchi wa kawaida.
Naye Mkurugenzi wa Uwezeshaji
Uwekezaji, kutoka Mamlaka ya Uzalishaji kwa Mauzo ya nje (EPZ), James Maziku
amefafanua kuwa, sera hiyo imetungwa kwa muda mrefu hivyo tathmini hiyo
itasaidia kuhuisha (Review) Sera na Sheria za uwekezaji za kisekta, kupunguza
migongano ya kiutendaji na kuelewa namna ya kuboresha utendaji wa pamoja wa
kisekta.
Sera
ya Taifa ya Uwekezaji imebainisha malengo mahsusi sita (6) na malengo nane (8)
ya kisekta. Baadhi ya malengo hayo ni kuhamasisha uzalishaji wa ndani wa bidhaa
kwa ajili ya mauzo ya nje; Kuvutia uwekezaji kutoka nje ya nchi; Kuhimiza na
kuvutia matumizi ya teknolojia za kisasa katika uwekezaji; Kuweka mfumo mzuri
na wa wazi wa kisheria; na kuondoa urasimu katika taratibu za upatikanaji wa
vibali vya uwekezaji.
Sera
ya Taifa ya Uwekezaji ya Mwaka 1996 na Sheria ya Uwekezaji ya Mwaka 1997
iliyoanzisha Kituo cha Uwekezaji Tanzania (TIC), vinaratibiwa na Ofisi ya
Waziri Mkuu kwa kushirikiana na Wizara za kisekta, Tawala za Mikoa na Serikali
za Mitaa, Idara, Taasisi na Wakala wa Serikali. Kituo cha Uwekezaji Tanzania
kimepewa jukumu la kuratibu, kuvutia, kutangaza na kuwezesha wawekezaji hapa
nchini.
MWISHO.
